Isabella
(Un istor savet gant bugale ar c'hlas CE2 CM1 CM2)
Ur wech e oa met ur wech ne oa ket met ur wech e oa memestra e oa ur plac'h vihan hag e oa hec'h anv Isabella. O vevañ e oa en Asia gant he mamm gozh hag he breur . Paour razh e oa . Ur wech e oa he deus goulennet gant he mamm gozh :
« - Mamm gozh, pelec'h emañ tadig ha mammig ? »
« - E bro Amerika emaint o vevañ, e New-York evit gounit arc'hant. »
Isabella n'he deus ket kousket e-pad an noz rak c'hoant he deus kavout an den fur eus ar geriadenn evit goulenn ur gartenn da vont da Amerika. Kousket he deus un tammig . Diouzh ar mintin he deus debret he dijuni Isabella ha goude eo bet e ti an den fur evit goulenn ur gartenn evit mont da vro Amerika.
« - Mar-plij. Gallout a ran kaout ur gartenn evit mont da vro Amerika, ma den fur ? »
« - Ya, plac'h vihan, setu ar gartenn evit mont da Amerika. »
« - Mersi bras ma den fur. »
An deiz war-lec'h e kemeras un nebeut aferiou ha mont kuit. Ar gudenn a oa ne ouie ket Isabella penaos mont da Amerika .
Isabella he deus c'hoant mont e-barzh ur vag. Mont a reas da c'houlenn gant ar c'hapitenn. Met ar c'hapitenn n'en doa ket c'hoant kemer Isabella rak n'eus ket a arc'hant ganti.
« -Met kapiten... »
« - 'Peus ket arc'hant, ne zeui ket ganeomp ha setu tout. »
E-pad an noz ez 'a dre guzh Isabella e-barzh ar vag.
Debriñ a reas tamm-ha-tamm boued a oa er vag. Gwelet eo bet gant ar c'hapitenn e vanke boued ha kavet eo bet Isabella.
Laosket eo bet Isabella war un enezenn vihan. Trist eo ar paourkaezh plac'h. Ul logodenn a welas. Klask a reas Isabella tapout anezhi.
Al logodenn a lavar a greiz tout : « Oh, me n'on ket ur c'hoari ! »
Isabella, souezhet-mik :
« Met, kaozeal a rez ! »
« ben ya ! Te 'zo bouzar pe petra ! »
« Daoust hag-eñv e c'helles sikour ac'hanon da vont da Amerika ? C'hoant am meus gwelet ma zad ha mamm. »
« A-du on ma 'z eus un tamm fourmaj ganes. »
« Ya, un tamm a zo ganin. Dal ! »
« Trugarez dit. »
Cheñch a ra stumm Isabella ha dont a ra honnezh da vezañ un albatros.
Treuziñ a ra ar mor da vont da Amerika. En em gavout a ra e New-York goude pemzek deiz beaj.
Dre chañs e wel he zud e New-York. Mont a ra da gaozeal ganto met n'eo ket evit komz. Trist kenañ eo.
Nebeud goude e kav daou zen yaouank o kaozeal diwar benn ur sorzer. Unan eus an daou a lavar n'eo ket ur sorzer evit gwir met Isabella n'he deus netra da goll. Neuze ez a da welet anezhañ.
Dont a ra a-benn da cheñch stumm d'al labous a zeu da vezañ Isabella. Ouzhpenn da se e ro teñzor an Indianed dezhi.
Mont a ra Isabella da welet he zud. Laouen eo an holl. Dre m'o deus arc'hant e lakaont ar vamm gozh da zont ha n'o deus ket ezhomm bremañ tud Isabella da labourat ken start.
N'eus ken.
Poltred ar skol tennet gant klervi